“kāore i nui rawa te haumitanga ki te whakarato i te tautoko tika ki ngā tamariki e hiahia ana. “

Te Whakatairanaga
Ko te tino tikanga o tēnei whakatairanga ko te whakamahi i te aumangea tōpū o ngā kaiako, ngā mātua, ngā ākonga me ngā rōpū ki te whakahau i te kāwanatanga kia whitawhita te mahi.
He taonga ngā tamariki katoa. Ko te tikanga o tēnei whakatairanga he wero i te whakaāheinga ki ngā taumata katoa, kia pai te mahi a te pūnaha mātauranga mā te katoa.
Koinei te wā kia piri tahi tātou. Hono mai ki a mātou i a mātou e whakapeto ana i te katoa mā ngā tamariki.

He aha tā mātou tikanga o Ngā Aukaha?
Ko te tikanga o aukaha, ko ngā here e tautoko ana, e turuki ana i te riu o te waka. He kanohi a Ngā Aukaha mō ngā tāngata katoa kei roto i ngā mahi tautoko tamariki, me te pupuri i te kaupapa mō te painga o ngā mokopuna.
He aha tā mātou tikanga o te tautoko akoranga?
Ko te whakamārama a Te Tāhuhu o te Mātauranga o te tautoko akoranga, ko te tautoko tāpiri e hiahiatia ana e ētahi tamariki e uru ai rātou, e eke ai rātou ki te mātauranga. Ka kapi i tēnei te tautoko e whakaratoa ana e ngā mātanga ā-waho, me ngā kaiako me ngā kaimahi tautoko i rō kura, i rō pokapū hoki.